MAE newyddiaduraeth dan y lach: swyddi’n cael eu colli, papurau’n stryffalgio, (ac yma hefyd, ac yma, ac yma) a’r rhyngrwyd yn eu bygwth, gyda llwyddiant gwefannau’r papurau cenedlaethol yn bownd o frathu’r papurau rhanbarthol/lleol. Ac mae bygythiadau o lefydd eraill, hefyd.

Mae newyddiadurwyr yn gyndyn iawn o newid. Dwi’n dyst i hyn; dwi’n esiampl o hyn. Dwi’n cofio dyddiau pan yr oeddan ni’n ben galed iawn pan ddeuai yna unrhyw syniad newydd i’r stafell newyddion. Rydan ni’n anhapus gweld meddylfryd gwahanol yn mentro i’n byd bach. Wedi’r cwbwl, mae pethau wedi gweithio’n o lew ers blynyddoedd, pam newid? Wel, mae’n rhaid newid, yn does – newid neu farw.

Beth bynnag, dyma i chi rhywbeth positif: 25 syniad da iawn i newyddiadurwyr. Does yna ddim byd chwyldroadol yma, dim ond synnnwyr cyffredin.

Ces i ymateb arbennig o dda ar ol blogio am ymgyrch dot Cym cwpl o wythnosau yn ol, gan gynnwys erthygl yn y Carmarthen Journal. Felly, rwy wedi gofyn i dot Cym fynd ar agenda’r Cyngor Dref yn ein cyfarfod nesaf a gobeithio bydd y cyngor yn pleidleisio i gefnogi’r ymgyrch ac ysgrifennu i Lywodraeth Cynulliad Cymru i gofnodi ein cefnogaeth. Roedd y cynhadledd ym Mharis yn galonogol iawn ond nid yw parth dot Cym yn ein dwylo ni eto. Os nad ydych wedi gwneud eisoes arwyddwch deiseb Dot Cym ac ysgrifenwch at y Brif Weinidog Rhodri Morgan a’r Dirprwy Brif Weinidog Ieuan Wyn Jones i gofrestru eich cefnogaeth.

The post I wrote a few weeks ago about the Dot Cym campaign caused quite a reaction, including an article in the Carmarthen Journal. It was all positive feedback so I’ve asked for the Dot Cym campaign to be added to the agenda for the next Town Council Meeting. I hope the council will vote to support the campaign and write to the Welsh Assembly Government to register our support. The Dot Cym domain will bring benefits to Lampeter and although the Paris conference was very positive the domain is not yet guaranteed. If you haven’t already done so please sign the petition and write to First Minister Rhodri Morgan and Deputy First Minister Ieuan Wyn Jones to give your support.

Mae ymgyrch cael parth dot Cym i Gymru wedi derbyn hwb wrth fod Gweinidog Treftadaeth Cymru, Rhodri Glyn Thomas yn datgan fod y dadleuon o blaid yn gryf iawn. Rwy’n cytuno. Bydd cael Parth Lefel Uchaf .cym yn helpu wefanu Cymraeg a Chymreig sefyll allan ac yn hybu’r defnydd o Gymraeg ay y we. Bydd yn dangos fod diwylliant Cymraeg yn fodern ac yn edrych ymlaen, yn helpu cysylltu mudiadau Cymreig ar draws y byd, a bydd yn dda i’r byd busnes.

Mae cael parth we dot Cym yn rhan o gytundeb clymblaid Plaid Cymru/ Llafur ond ni allwn ni gymryd dim byd yn ganiataol. Rhaid i ni werthu’r syniad i ICANN, y corff sy’n rheoli parthau ar y we a dangos bod gwir angen a bod cefnogaeth gref.

Rhaid i ni edrych ymlaen i’r dyfodol i sicrhau fod ein hiaith a’n diwylliant yn ffynu. Felly rwy’n gofyn i chi arwyddo deiseb dot Cym yma.